კურდღლის ხორცის «ჟარკოე» ბანანით გუაჰიურად

შემადგენლობა:

• 1კგ კურდღლის უძვლო ხორცი
• 3 ს.კ. ლიმონის წვენი (60გრ)
• 4 ს.კ. მცენარეული ზეთი
• 2-3 ბანანი (500გრ)
• 40გრ ნაღების კარაქი
• 1 კონა ქინძი (25გრ)
• 2 ფოთოლი დაფნა (2გრ)
• 1 ჩ.კ. შაქარი (10გრ)
• კვლიავი გემოვნებით
• მარილი გემოვნებით
• წიწაკა გემოვნებით
• მომზადება:

1. ხორცი გავრეცხოთ, გავაშროთ და ჩავდოთ ღრმა თასში. მოვაყაროთ მარილი, წიწაკა, დავამატოთ დაფნის ფოთოლი, მოვასხათ ლიმონის წვენი და მოვაყაროთ კვლიავი. გადავაფაროთ საკვები პარკი და შევინახოთ ხორცი მაცივარში 1 საათით.
2. ღრმა ტაფაში გაცხელებულ ზეთში შევწვათ ხორცი, შემდეგ გადავიღოთ სხვა ჭურჭელში და სუფრასთან მიტანამდე შევინარჩუნოთ ცხლად.
3. ბანანი გავფცქვნათ, დავჭრათ სქელ რგოლებად და ცალკე ტაფაზე ცხელ კარაქში შევწვათ ოქროსფერის მიღებამდე. მოვაყაროთ მარილი, პილპილი, შაქარი და ვაცადოთ კარამელიზაცია. შემწვარი ბანანი გადავიტანოთ ხორცთან.
4. ქინძი გავრეცხოთ, გავარჩიოთ და გავაშროთ. ხორცი ბანანით მოვრთოთ ქინძის ფოთლებით და სუფრასთან ცხელი მივიტანოთ.