ფარგა ვაშლებით

მომზადების დრო: 40 წთ
1 ულუფის კალორიულობა: 372კკალ
ულუფის რაოდენობა: 6

შემადგენლობა:

  • 1კგ დამუშავებული ფარგა
  • 2 ცალი მომჟავო ვაშლი
  • 1 ცალი ლიმონი
  • 4 ღერი ოხრახუში
  • მარილი
  • წიწაკა

მარინადის მოსამზადებლად:

  • 1 ცალი ფორთოხალი
  • 3 ს.კ. ზეითუნის ზეთი
  • 1 ს.კ. ვუსტერული საწებელი
  • მცენარეული ზეთი ფორმაზე წასასმელად
  1. თევზი გავრეცხოთ, გავაშროთ, წავუსვათ მარილი და წიწაკა.
  2. მარინადისთვის გამოვწუროთ ფორთოხლის წვენი და პატარა თასში შევურიოთ ზეითუნის ზეთს და ვუსტერულ საწებელს. ღრმა ლანგარში მოვათავსოთ თევზი, მოვასხათ მარინადის 1/3, დავაფაროთ კულინარიული ცელოფანი და მოვათავსოთ მაცივარში 1 საათით.
  3. ვაშლები გავრეცხოთ, გავაშროთ, გამოვაცალოთ გული და თითოეული დავჭრათ 6 ნაწილად. მოვასხათ ნახევარი ლიმონის წვენი.
  4. დარჩენილი ლიმონი დავჭრათ ნაჭრებად. ოხრახუში გავრეცხოთ და გავაშროთ.
  5. თევზი გამოვიღოთ მაცივრიდან, მუცელში ჩავუწყოთ ლიმონის ნაჭერი და ოხრახუშის ღეროები.
  6. გავახუროთ ღუმელი 200 გრადუსამდე. გამზადებული თევზი დავდოთ ზეთწასმულ ტაფაზე. ტემპერატურას დავუწიოთ 180 გრადუსამდე და გამოვაცხოთ 20წთ. შემდეგ ჩავამატოთ ვაშლები, მოვასხათ დარჩენილი მარინადი და ვაცხოთ კიდევ 20 წუთი.

tematicheskiy-uzhin-3-min