კრეატიული მარკეტოლოგის ვახშამი

სპაგეტი ჭარხლის საწებელში

შემადგენლობა:

• 2ც საშუალო ზომის მოხარშული წითელი ჭარხალი
• 3 კბილი ნიორი
• 4 ს.კ. ზეითუნის ზეთი
• 150გრ ბრინზა
• 1/2 კონა რეჰანი
• 100გრ კედრის კაკალი
• 200გრ სპაგეტი
• მარილი
• დაფქული წიწაკა

მომზადება:

1. მოხარშული ჭარხალი გავასუფთაოთ და დავჭრათ. ნიორი გავარჩიოთ და თხელ ფირფიტებად დავჭრათ. ბრინზა დავჭრათ წვრილ კუბებად.
2. რეჰანი გავრეცხოთ, გადავარჩიოთ, გავაშროთ, დავაცალოთ ფოთლები.
3. სპაგეტი მოვხარშოთ მდუღარე მარილიან წყალში 8წთ. გადავიტანოთ საწურზე და გადავავლოთ ცივი წყალი. დაახლოებით 100მლ სპაგეტის წყალი შევინახოთ.
4. ღრმა ქვაბში, ცხელ ზეითუნის ზეთში შევწვათ ნიორი, ჩავამატოთ ჭარხალი ვურიოთ 3 წუთი. ჩავასხათ სპაგეტის ნახარში წყალი, ჩავყაროთ სპაგეტი და კარგად ამოვურიოთ.
5. სპაგეტის მოვაყაროთ მარილი და წიწაკა გემოვნებით, ასევე კედრის კაკალი და მწვანილი. ამოვურიოთ და გადმოვდგათ ცეცხლიდან.
6. კერძი გადავიტანოთ თეფშებზე. სუფრასთან მიტანისას ზემოდან მოვაყაროთ ბრინზა.