ორაგული ბროკოლით

შემადგენლობა:

• 600გრ ორაგულის ფილე
• 400გრ ბროკოლი
• 200მლ ნაღები
• 100მლ წყალი
• 1 თავი ხახვი
• ზეითუნის ზეთი
• დაფქული მუსკატის კაკალი
• 1/2 კონა ნიახური ან ოხრახუში
• მარილი
• პილპილი

მომზადება:

1. ფილე გავრეცხოთ და გავაშროთ. მოვაშოროთ ფხა და დავჭრათ ულუფებად, მოვაყაროთ მარილი და პილპილი.
2. ნიახური (ან ოხრახუში) გავარჩიოთ, გავრეცხოთ, გავაშროთ და დავჭრათ თხელ ჩხირებად. ხახვი გავარჩიოთ და დავჭრათ რგოლებად. ბროკოლი გავრეცხოთ, გავაშროთ და დავყოთ ყვავილედებად.
3. გამოსაცხობ ფორმას წავუსვათ ზეითუნის ზეთი და მოვათავსოთ მასზე თევზი, მოვაყაროთ ნიახური (ოხრახუში), ხახვი და ბროკოლი. ნაღებს შევურიოთ წყალს და ჩავასხათ ფორმაში.
4. გავახუროთ ღუმელი 200 გრადუსამდე. კერძი შევაზავოთ მუსკატის კაკლით და ცოტა პილპილით. დავახუროთ ფორმას თავსახური ან ფოლგა და გამოვაცხოთ 35 წუთი.