ქათმის მკერდის სალათი მარწყვის საწებელში

შემადგენლობა:

• 400გრ ქათმის მკერდი
• 200გრ ქამა სოკო მარინადში
• 1 მუჭა სალათის ფოთლების ნაკრები
• 20გრ კედრის კაკალი
• 10-15 ცალი მარწყვი
• 4 ცალი პომიდორი ჩერი
• მარილი
• პილპილი

საწებლის მოსამზადებლად:

• 1 ს.კ. მარწყვის მურაბა
• 1 ს.კ. მცენარეული ზეთი
• 1 კბილი ნიორი

მომზადება:

1. ქათმის მკერდი გავრეცხოთ, გავაშროთ, დავჭრათ წვრილ ნაჭრებად და მოვათავსოთ ღრმა თასში.
2. ნიორი გავარჩიოთ და დავჭყლიტოთ, შევურიოთ მურაბა და მცენარეულ ზეთი, მოვაყაროთ მწიკვი მარილი და პილპილი. მიღებული ნაზავი მოვასხათ ქათმის მკერდს და კარგად ამოვურიოთ.
3. თასს გადავაფაროთ საკვები პარკი და 20 წუთით გავაჩეროთ ოთახის ტემპერატურაზე.
4. სალათის ფურცლების ნაკრები გავრეცხოთ და გავაშროთ. მსხვილი ფოთლები ხელით დავფლითოთ და დავალაგოთ მისართმევ ჭურჭელზე.
5. პომიდორი და მარწყვი გავრეცხოთ და გავაშროთ. პომიდორი დავჭრათ ოთხ ნაწილად, მარწყვი კი — თხელ ნაჭრებად.
6. თასიდან ამოვიღოთ ქათმის მკერდი და შევწვათ ტაფაზე ოქროსფერის მიღებამდე, გადავიტანოთ სხვა ჭურჭელზე და გავაცივოთ. მარინადი კი, რომელშიც ქათმის მკერდი იდო — შევინახოთ.
7. სოკო მსხვილად დავჭრათ და შევურიოთ ქათმის მკერდს.
8. კედრის კაკალი ცხიმის გარეშე მოვხალოთ ტაფაზე.
9. ქათმის მკერდი და სოკოთი გადავიტანოთ სალათის ფურცლებზე, დავუმატოთ პომიდორი და მარწყვის ნახევარი და ფრთხილად ამოვურიოთ, მოვასხათ დარჩენილი მარინადი, მოვაყაროთ კაკალი და მოვრთოთ მარწყვით, მოვაყაროთ პილპილი გემოვნებით.