ჩაშუშული თევზი ლიმონში

შემადგენლობა:

• 800გრ ზღვის თეთრი თევზის ფილე
• 2 ცალი ლიმონი
• 1 თავი ხახვი
• 50გრ ქორფა მწვანილის ასორტი
• 1 ს.კ. პომიდვრის პასტა
• 2 ს.კ. მცენარეული ზეთი
• მარილი
• პილპილი

მომზადება:

1. ნახევარი ლიმონი გავწუროთ. დანარჩენი დავჭრათ. ხახვი გავარჩიოთ და წვრილად დავჭრათ. მწვანილი გავრეცხოთ, გადავარჩიოთ, გავაშროთ და წვრილად დავჭრად.
2. თევზი გავრეცხოთ, გავაშროთ, დავჭრათ პატარა ნაჭრებად. მოვაყაროთ მარილი, პილპილი და მოვაშხუროთ ნახევარი ლიმონის წვენი.
3. ტაფაზე ცხელ მცენარეულ ზეთში შევწვათ ხახვი გამჭირვალე ფერის მიღებამდე. დავუმატოთ დაჭრილი მწვანილი, დაჭრილი ლიმონი და დავტოვოთ ცეცხლზე 3-4 წუთით.
4. ტაფაზე მოთავსებულ პროდუქტებს დავუმატოთ პომიდვრის პასტა და კარგად გავაცხელოთ (დაახ. 2 წთ).
5. ტაფაზე დავამატოთ თევზი, შევწვათ 2-3 წუთი და თან ვურიოთ. დავახუროთ თავსახური და მაღალ ცეცხლზე ვამზადოთ კიდევ 5-8 წუთი.
6. ტაფა გადმოვდგათ ცეცხლიდან და 5 წუთით გავაჩეროთ თავდახურული.
7. მზა თევზი გადავიტანოთ თეფშებზე.