პაელია ქათმით და კრევეტებით

შემადგენლობა:

• 1/2 ქათამი (700გრ)
• 8-10 ცალი კრევეტი (200გრ)
• 100მლ მცენარეული ზეთი
• 300გრ მრგვალი ბრინჯი
• 350გრ მწვანე ლობიო
• 1 ცალი ტკბილი პილპილი
• 1/2 ჩ.კ. დაფქული პაპრიკა
• 4 ცალი პომიდორი
• ზაფრანა გემოვნებით
• მარილი გემოვნებით
• წიწაკა გემოვნებით

მომზადება:

1. ქათამი დავჭრათ პატარა ნაჭრებად და შევწვათ ტაფაზე 2/3 ზეთში (75მლ რეცეპტში მოცემული 100მლ-დან) დაბალ ცეცხლზე 25 წუთის განმავლობაში.
2. ბოსტნეული გავრეცხოთ. პომიდორი გავრეცხოთ გავაცალოთ კანი და თესლი და დავჭრათ კუბებად. პილპილს მოვაცალოთ ყუნწი და თესლები და დავჭრათ ჩხირებად, შევწვათ დარჩენილ ზეთში. დავჭრათ მწვანე ლობიოც.
3. პომიდორი და ლობიო მოვათავსოთ ქათამთან ერთად, დავუმატოთ პაპრიკა და ვამზადოთ 3 წუთის განმავლობაში. შემდეგ ჩავუმატოთ ცხელი წყალი რომ პროდუქტები 1 სმ-ზე დაიფაროს და მოვაყაროთ მარილი, პილპილი და ვხარშოთ მაღალ ცეცხლზე 30 წუთის განმავლობაში. წყალი სანახევროდ უნდა ჩაშრეს.
4. იმავე ტაფაში ჩავამატოთ ბრინჯი, შევაზავოთ ზაფრანით და მოვურიოთ. ბრინჯი გადავასწოროთ, მოვალაგოთ ზემოდან კრევეტები და პილპილი. ვამზადოთ 10 წუთის განმავლობაში ნელ ცეცხლზე. შემდეგ ცეცხლს მოვუმატოთ და კიდევ 5 წუთი ვხარშოთ. ტაფა გადმოვდგათ ცეცხლიდან, გადავაფაროთ სველი ქსოვილის ხელსახოცი და გავაჩეროთ 5-8 წუთი ოთახის ტემპერატურაზე.

შეგრილებულ კერძს ზემოდან მოვაყაროთ ოხრახუში და მოვრთოთ ლიმონის ნაჭრებით. წინ დაუვიწყარი ვახშამი გელოდებათ!