შვრიის ფაფა ბანანით კარამელში

შემადგენლობა:

• 150გრ შვრიის ფანტელი
• 100მლ წყალი
• 200მლ რძე
• 3 ჩ.კ. შაქარი (25გრ)
• მარილი გემოვნებით

კარამელიანი ბანანის მოსამზადებლად:

• 3ც ბანანი (600გრ)
• 30გრ ნაღების კარაქი
• 4 ს.კ. შაქარი
• 200მლ ნაღები

მომზადება:

1. ქვაბში ჩავყაროთ შვრიის ფანტელი, დავასხათ წყალი, რძე და მივიყვანოთ ადუღებამდე. დავუმატოთ შაქარი, მწიკვი მარილი, მოვურიოთ და მოვხარშოთ.
2. ბანანს გავაცალოთ კანი და დავჭრათ რგოლებად. ტაფაზე გავადნოთ ნაღების კარაქი, დავამატოთ შაქარი და ვურიოთ ღია კარამელის ფერის მიღებამდე. დავამატოთ ნაღები და ვამზადოთ 5-8 წთ. ტაფაზე მოვათავსოთ ბანანი, ფრთხილად ამოვურიოთ და გადმოვდგათ ცეცხლიდან.
3. შვრიის ფაფა გადმოვიღოთ თეფშებზე. ყველა ულუფას დავუმატოთ ნაღებიან კარამელში მომზადებული ცოტაოდენი ბანანი.

სუფრაზე მიტანის წინ ფაფას შეგვიძლია ზემოდან მოვაყაროთ დაფქული დარიჩინი და ქიშმიში. მიირთვით გემრიელად!