ზარმაცების ვარენიკები

შემადგენლობა:

• 500გრ ხაჭო
• 2 ცალი კვერცხი (80გრ)
• 1 ჭიქა ფქვილი (150გრ)
• 100გრ შაქარი
• 50გრ ნაღების კარაქი
• მწიკვი მარილი

მისართმევად:

• 40გრ ნაღების კარაქი
• 3 ს.კ. შაქარი (75გრ)
• არაჟანი გემოვნებით

მომზადება:

1. კვერცხები ჩანგლით ავთქვიფოთ. 50 გრ კარაქი დავჭრათ კუბებად და დავარბილოთ ოთახის ტემპერატურაზე. საცერზე გავხეხოთ ხაჭო და ღრმა თასში შევაზილოთ შაქარი და კვერცხი, დავუმატოთ კარაქი და ავურიოთ ერთგვაროვანი მასის მიღებამდე.
2. ხაჭოს მასას ნელ-ნელა შევურიოთ ფქვილი და მოვზილოთ მკვრივი, ერთგვაროვანი ცომი.
3. სამუშაო დაფაზე მოვაყაროთ ფქვილი, ცომისგან გავაკეთოთ ვიწრო ძეხვი, და დავჭრათ თხელ რგოლებად.
4. დიდ ქვაბში ავადუღოთ საკმარისი რაოდენობის წყალი, დავამატოთ მწიკვი მარილი, ულუფებად ჩავყაროთ ზარმაცი ვარენიკები და ვხარშოთ სანამ ზედაპირზე ამოტივტივდება.
5. მოხარშული ვარენიკები ქაფქირის საშუალებით გადავიტანოთ ღრმა კარაქიან და შაქრიან თასში. ჩავუმატოთ 2-3 ს.კ. ვარენიკის ნახარში წყალი და თასი კარგად შევანჯღრიოთ.
6. ვარენიკები სუფრასთან ცხელი არაჟანთან ერთად გავიტანოთ.

ზარმაცების ვარენიკების მოსამზადებლად კიდევ რამდენიმე ეშმაკობას გასწავლით:

— ვარენიკებისთვის ნაკლებად მჟავე და ცხიმიანი ხაჭო უნდა შეარჩიოთ.
—  ზომაზე მეტი ფქვილი არ გამოიყენოთ, ვარენიკში ხაჭოს მარცვლები უნდა იგრძნობოდეს.
— არ გადახარშოთ, ამოტივტივებისთანავე ამოიღეთ, თორემ ჩახარშული კისელს დაემსგავსება. რა თქმა უნდა ასეთი ვარენიკის შეჭმა შეიძლება, მაგრამ გემრიელი არ გამოვა.