მომზადების დრო: 15 -20წთ
1 ულუფის კალორიულობა: 402კკალ
ულუფის რაოდენობა: 4

შემადგენლობა:

  • 400გრ კარტოფილის პიურე
  • 200გრ ახლადგაყინული ტყის სოკო (ან ქამა)
  • 3 ს.კ. ფქვილი (45გრ)
  • 2 ცალი კვერცხი (80გრ)
  • 2 თავი ხახვი (200გრ)
  • 100გრ გახეხილი ყველი
  • 70მლ ცხიმიანი ნაღები
  • მარილი გემოვნებით
  • წიწაკა გემოვნებით
  • საფანელი (200გრ)
  • მცენარეული ზეთი

კარტოფილის პიურეს მოსამზადებლად:

  • 650გრ კარტოფილი
  • 200მლ რძე
  • 70გრ ნაღების კარაქი
  • მარილი
  1. კარტოფილი გავთალოთ, გავრეცხოთ, ჩავყაროთ ქვაბში, დავასხათ ცივი წყალი და ვადუღოთ თავდახურული 25 წუთის განმავლობაში სანამ კარტოფილი არ მოიხარშება. შემდეგ მოვაყაროთ მარილი.
  2. სხვა ჭურჭელში ჩავასხათ რძე, მივაყვანოთ ადუღებამდე და გადმოვდგათ ცეცხლიდან. კარაქი დავჭრათ კუბებად.
  3. მოხარშული კარტოფილისგან გავაკეთოთ პიურე, ნელ-ნელა ჩავამატოთ რძე და დავუმატოთ კარაქი. მოვაყაროთ მარილი გემოვნებით.

კერძის მომზადება:

  1. სოკო გავალღოთ. ხახვი გავარჩიოთ და წვრილად დავჭრათ.
  2. ტაფაზე გავაცხელოთ ზეთი და შევწვათ ხახვი სანამ გამჭირვალე არ გახდება, ჩავუმატოთ სოკო და შევწვათ 10წთ. მოვაყაროთ მარილი და წიწაკა გემოვნებით.
  3. ღრმა თასში კარტოფილის პიურეს შევურიოთ ფქვილი, კვერცხი, ნაღები და ვურიოთ გლუვი, ერთგვაროვანი მასის მიღებამდე.
  4. გავახუროთ ღუმელი 200 გრადუსამდე. გამოსაცხობ ფორმას წავუსვათ მცენარეული ზეთი და სქლად მოვაყაროთ საფანელი. კარტოფილის ცომის 1/2 გავანაწილოთ ტაფაზე , ზემოდან დავაწყოთ შემწვარი სოკო და გადავფაროთ დარჩენილი კარტოფილის ცომით.
  5. დარჩენილი კვერცხი ავთქვიფოთ პატარა თასში, მოვაყაროთ წიწაკა და შევურიოთ გახეხილი ყველი. ეს ნაზავი ზემოდან მოვასხათ კარტოფილის ცომს და გამოვაცხოთ 15-20 წუთი.
  6. კარტოფილის ბრაწულა მივიტანოთ სუფრასთან ცხელი ბოსტნეულის მსუბუქ სალათთან ერთად.
bustrui-uzhin-4-min

გეგონათ ბრაწულაზე დიდი დრო დაგეხარჯებოდათ? არამც და არამც! გაანებივრეთ საკუთარი თავი გემრიელი ვახშამით, თანაც ძალიან იოლად!