წითელი თევზის წვნიანი მდნარი ყველით და პომიდვრის ჩირით

შემადგენლობა:

• 400 გრ წითელი თევზის ფილე
• 3-4 ცალი კარტოფილი (350გრ)
• 1 თავი ხახვი (100გრ)
• 1 ცალი სტაფილო (100გრ)
• 100გრ მდნარი ყველი
• 2 ს.კ. მცენარეული ზეთი
• 1-2 პომიდვრის ჩირი (100გრ)
• მარილი გემოვნებით
• წიწაკა გემოვნებით

მომზადება:

1. ხახვი გავარჩიოთ და დავჭრათ. სტაფილო გავასუფთავოთ, გავრეცხოთ და წვრილად დავკეპოთ. ტაფაზე ნახევარ ულუფა ზეთში შევწვათ ხახვი და სტაფილო 5 წთ.
2. კარტოფილი გავთალოთ, გავრეცხოთ, დავჭრათ და ჩავყაროთ ქვაბში, ჩავასხათ 2 ლ ცხელი წყალი და ავადუღოთ. ჩავამატოთ შემწვარი ბოსტნეული, მოვაყაროთ მარილი და წიწაკა გემოვნებით. ვადუღოთ კარტოფილის მოხარშვამდე. მზა კარტოფილი ჩავზილოთ სპეციალური საზელით.
3. პომიდორი წვრილად დავჭრათ, თევზს მოვაყაროთ მარილი და წიწაკა და შევწვათ ორივე ერთად ტაფაზე დარჩენილ ზეთში მაღალ ცეცხლზე. ამის შემდეგ თევზი გადავიტანოთ სხვა ჭურჭელზე და დავჭრათ ულუფებად.
4. მდუღარე წვნიანს დავუმატოთ მდნარი ყველი და ვხარშოთ 5 წუთი. ჩავალაგოთ თევზი წვნიანში, მივიყვანოთ ადუღებამდე და გადმოვდგათ ცეცხლიდან. წვნიანი ჩამოვასხათ თეფშებზე და თითოეულს დავუმატოთ ცოტაოდენი პომიდორი.

კერძს ასევე შეგვიძლია დავუმატოთ დაჭრილი მწვანილი. გემრიელად მიირთვით!